کئے تئی اوبالاں پد بہ جنت گاریں۔ نبشتہ کار: شهید کمبرچاکر بلوچ

انچوش کہ گْوش انت شهید نمیران انت و پہ مدامی زندگ انت
کیوبن ادیب جوزعارتی گْوش ایت کہ
” مرنا کچھ بهی نہیں ہے ،مرنا زندہ رہناہے ،مرنا بیج بوناہے ،وہ جو مرتا ہے ،اگر وہ وہیں مرتاہے جہاں اسے مرنا چاہیئے تو وہ زندہ رہتاہے ”
شهید سگار بلوچ ءِ زند عظیم بوتگ و آ چہ مرگ ءَ پد هم عظیم انت آئی ءِ زند ءِ مکسد بلوچ راجی آجوئی بوتگ و مرگ ئِے هم همے مزنیں شاہ درے سر ءَ بوتگ۔

تجھ کو کسی پهول کا کفن پهنائیں
تم جدا جو ایسے موسموں میں ہوئے
جب درختوں کے ہاتھ خالی تهے

همے رنگ ءَ راستی ءِ دعویدار سقراط ءَ گْوشگ بیت کہ تو همے بہ گْوش من دروگ بستگ ءُ ردے وارتگ اگاں ناں گڑا زهر ءِ پیالہ ءَ بہ ور ، بلے سقراط ءَ راست ءَ راست گْوشت ءُ زهر ءِ پیالہ نوش کت ،
شهید سگار بلوچ ءِ بے وهدیں پاکمری پہ بلوچ راج ءَ بالاچ ،سفرخان و خالد گونگیں تاوانے ِ ، آئی ءِ زند بے مٹ بوتگ ءُ مرگ ءَ پد هم بے مٹ بوت۔

زار ءِ روس ءِ خلاف ءَ یک جهدکارے ءَ پاهو دیگ ءَ چہ ساری همے گْوشگ بیت کہ لهتیں ساهت ءَ پد تئی ساہ گرگ بیت اگاں تو زار ءِ خلاف ءَ جهد کنوکیں مردمانی سنگتی ءَ یلہ کن ئے گڑا تو پھِل کنگ بئے بلے اے جهدکار ءِ پسو چوش بیت کہ ” منی مرگ منی سنگتاں گیش تر جزبگ دنت ”
آجوئی ءِ بام چہ شهیدانی هونانی سهری ءَ در کپ ایت
انچوش کہ شهید گلام محمد گْوش ایت کہ مئے سنگتی گون مرگ ءَ انت ، همے رنگ ءَ راجی آجوئی ءِ واستا جهد کنوکیں سرمچار وتی کمیٹمنٹ ءِ پدرا ءَ اے رنگ ءَ کن انت کہ
If anything we might ierve the caure greater in death an martyers them we ever would in life ”
15جنوری ءِ روتاکانی تہ ءَ اتکگیں نہ وشیں هال کہ بلوچ راجی جهدکار ءُ بلوچ لبریشن آرمی ءِ مزنیں سنگت امیر بخش بلوچ یک روڈے ءَ Accident بوتگ ءُ شهید بوتگ ، شهید ءَ مزنیں راجی کردارے سر ءَ اعزازی نام سگار بلوچ دیگ بیت۔

وهدیکہ نواب مری ءِ جوڑ کرتگیں سرکل حق توار ءِ سنگت سگار بلوچ نوکیں عهدے بالاچ ات پہ دودا ءِ دژمناں
داں کہ پہ سمیاں پیداک نہ بیت دودایے
پہ تئی دودایاں کدی بیرگیریں بالاچ نہ بیت

سگار بلوچ پہ دژمناں بالاچ بیرگیر ءِ رنگ ءَ دیم ءَ کیت ءُ نوکیں اهد ءَ بالاچ ءِ کرد ءَ دوبر نوک کنت

آ مرگ کہ شپاں نیم بال انت
بالاچ ءِ کمان ءِ تیر انت

شهید امیر بخش بلوچ هما بلوکیں استار ات کہ آئی ءِ وتی دراهیں زند بلوچ راجی آجوئی ءِ واستا ندر کتگ ، شهید ءِ جهد ءِ بنیادی مکسد بلوچ راج ءَ چہ گلامی ءَ رکینگ ءُ بلوچ ءَ دراهیں انسانی آسراتی ءِ دیگ ،شهید ءِ جهد چہ کس ءَ کمتر نہ بوتگ انچیں جهدکارے بوتگ کہ فلسطین ءِ لیلی خالد مشعل ،تامل جهدکار پهریاکرن ،هندوستان ءِ جهدکار بهگت سنگھ و افریکہ ءِ ساموراماشیل۔

زند گام پہ گام دیم ءَ روگ ءِ نام انت جهد کنگ ءِ نام انت ءُ یک مکسدے واستا زندگ بوگی انت ءُ پہ آئی ءِ هاتر ءَ جهد کنگ زند ءِ نام انت ”
زندگی یک سمبهتگیں ءُ ڈولداریں وابے کہ یک روچے شنگ ءُ شانگ بیت۔
همک انسان ءِ زند کیمتی انت بلے هما مردم ءِ زند باز قیمتی انت کہ آ پہ یک مکسدے ءِ هاتر ءَ جهد کن انت ،راجی مقصدانی هاتر ءَ جهدکنوکیں مردم زندگی ءِ میار انت ،
راجی مقصدانی واستا جهدکنوکیں مردم اے گپ ءَ شر زان انت کہ زلم ءِ دیم ءَ آواز چست کنگ بغاوت کنگ ءِ آسر مرگ انت بلے پہ راجی آجوئی واستا یک جهدکارے اے گپ ءَ هچ مان نیار ایت ءُ مرگ ءَ پہ وشیں دل ءِ امباز کنت۔

همے جهدکارانی رد ءَ شهید سگار بلوچ پہ بلوچ راجی آجوئی ءَ سلاہ بندیں جهد ءَ دیم ءَ برگ ءِ تہ ءَ وت ءَ پہ سرڈگار ءَ ندر کرتگ ات ءُ شهید بوت . ماتیں وتن ءِ دلبند ءِ سر ءَ پہ مدامی واب کپت و گلزمین ءِ هاکانی باهوٹ بوت۔