کوٹی نمبر 8 ھمسائگیں پشی ئے نام اَت کہ آ نوذدہ سد پنجاہ ءُ دو ءَ ایکو پارک کیلیفورنیا ئے یک پرائمری اسکولے ءِ کلاس روم ءَ اھت ءُشُت ۔ اسکول کہ پچ بوتاں دراھیں سال ءَ اے ھمے اسکول ءِ کلاس روم ءَ آھت پدا گرمیانی چھٹی ءِ تہءَ گار بوت۔
وھدیکہ اسکول پچ بوت انت گڑا ھر سال میڈیا والا گوں کیمرھاں ھمے پشی ءِ ودارءَ اسکول ءِ دیم ءَ اوشتات اَنت اے سلسلہ نوزدہ سد ءُشست ءِ آخر ءَ تا ھمے وڑا روان اَت ۔ اے پشی انچو مشھور بوت کہ روچے کساس سئے سد نمدی پہ ھمے پشی ءَ آھت کہ مردماں ھمے پشیءَ را مخاطب کرتگ ءُ نبشتہ کرتگ اَنت، اے بگ کیٹ ءُ لٹل کیٹ ءِ نامءَ نام ءِ سرا زھگانئ ھاترا یک دستاویزی ڈاکومنٹری فلمے ھم جوڑ بوتءُ زھگانی کتابانی تہءَ روم نمبر ھشت و اے کیٹ ءِ نام کپت۔ نومبر نوزدہ سدءُ شست و دو ءَ پوٹوگراپر رچرڈ ہیویٹ کوٹی نمبر ھشت دہاسکول ءِ سرھالے سرا سئے تاکانی کوٹی نمبر ھشت ءِ خصوصیت ءُ شری شنگ کرتاں ، لیوکوٹکے ءَ کوٹی نمبر ھشت ءِ نام ءِ سرا یکسازے دیم ءَ آرت کہ اے آئی نوزدہ سد و ھپتاد ءُ یک ءِ البم ءَ مڈلارک ءَ مان کرتگ اَت۔
انچو کہ اے پشی مزن بوان بوت یک روچے پشیانی جنگ ءَ ٹپی بوت و پدا نمونیا ءَ گپت ھمے ھاترا اسکول ءِ ھمساھگیں گسے ءَ اے پشیوتی لوگ ءَ برت۔۔پدا ھمے پشی مرُت
لاس اینجلس ءِ اخبار ٹائمز ءَ ایشی مرگ ءِ ھال شنگ بوت کہ اے خبر سیاسی شخصیت ءِ مرگ ءِ نیوز ءَ چے کمتر نہ اَت – ایشی مرگ ءِسرا سئے کالم گوں پوٹوہاں جاگھ دیگ بوتگ اَت – اے پشی انچو مشھور اَت کہ دمان ءَ ایشی مرگ ءِ ھال ھارڈفورڈ و کنٹکٹیکٹ اسٹیٹ ءَتا سر بوت ۔ کہ کیلیفورنیا ءَ چہ اے اسٹیٹ سک دور اِنت ۔
نودربراں ایشی کبر ءِ ھاترا چندہ کرت _ اے پشی لاس اینجلس ءِ پٹ میوموریل ءَ پارک ءَ کبر کنگ بوتگ۔۔۔۔
Add comment